Pak IT: Education Zone

Showing posts with label Education Zone. Show all posts

Wednesday 30 October 2013

Beaware Of File Sharing

کمپیوٹر کی دنیا میں فائل شیئرنگ ایک عا م فہم لفظ ہے۔
دنیا بھر میں روزانہ لاکھوں لوگ ایک دوسرے کو بذریعہ انٹرنیٹ فائل بھیجتے اور وصول کرتے ہیں جب کہ ہر سال لاکھوں افراد غیر قانونی طور پر میوزک اور ویڈیو فائل ڈائون لوڈ کرتے ہیں۔ برطانو ی اخبار دی گارجین کے مطابق رواں سال کے ابتدائی چھے ماہ میں صرف برطانیہ میں ہی چار کروڑ تیس لاکھ سے زاید افراد نے غیرقانونی طور پر گانے ڈائون لوڈ کیے۔
لوگوں کا خیال ہوتا ہے کہ بنا کسی قیمت گانے، ویڈیو یا کسی بھی فائل کو ڈائون لوڈ کرنا بہت آسان اور بے ضرر کام ہے، لیکن آپ نہیں جانتے کہ یہ ایک خطرناک عمل ہے اور آپ کی یہ خطرناک عادت آپ کے کمپیوٹر، فون اور نجی معلومات کے لیے کس قدر نقصان دہ ہے اس کا اندازہ آپ کی سوچ سے کہیں زیادہ ہے۔ اور یہ خطرہ قانونی طور پر فائل ڈائون لوڈ کرنے کی نسبت غیرقانونی طریقے سے فائل ڈائون لوڈ کرنے والوں کے لیے زیادہ ہے۔
چند سال قبل ہونے والے ایک مطالعے سے یہ بات سامنے آئی تھی کہ انٹرنیٹ سے ڈائون لوڈ ہونے والی بیس فی صد فائلز (قانونی اور غیرقانونی ) میں کچھ اقسام کے مال وئیر (ایک قسم کا مُضر سوفٹ ویئر جو آپ کے کمپیوٹر کے نظام کو مفلوج کردیتا ہے) شامل ہوتے ہیں۔ یہ مال ویئر آپ کے برائوزر کو ری ڈائریکٹ کرنے والے کوڈ پر بھی مشتمل ہوسکتے ہیں، جس سے آپ کسی ویب سائٹ کا ایڈریس لکھتے ہیں اور یہ مال ویئر آپ کو کسی اور ویب سائٹ پر لے جاتے ہیں۔
بعض اوقات یہ مال وئیر آپ کی ویب سائٹ پر اشتہارات اور وائرس کی بھرمار کردیتے ہیں، جس کا نتیجہ آپ کے کمپیوٹر کو پہنچنے والے شدید نقصان کی صورت میں سامنے آتا ہے۔ یہ تمام مال ویئر آپ کے کمپیوٹر سے تمام نجی معلومات (سوشل سیکیوریٹی نمبر،کریڈٹ کارڈ نمبرز، پاس ورڈز) چرا لیتے ہیں۔ یہ آپ کے آپریٹنگ سسٹم میں داخل ہوجاتے ہیں اور زیادہ تر لوگ اس بات سے لا علم رہتے ہیں۔
اگر آپ غیرقانونی طور پر ڈائون لوڈ کے لیے بِٹ ٹورینٹ (BitTorrent ) استعمال کر رہے ہیں، تو اس کا مطلب ہے کہ آپ نے اپنے کمپیوٹر کے دروازے ہیکرز اور وائرس کے لیے کھول دیے ہیں، جہاں سے وہ اپنی مطلوبہ معلومات چوری کرسکتے ہیں۔ ٹورینٹ ایپلی کیشن کے ساتھ یہی مسئلہ ہے کہ وہ آپ کے علم میں لائے بنا سیکیوریٹی فائر وال کھول دیتی ہیں۔
فائل شیئرنگ کے حوالے دو اہم پوائنٹ پر توجہ دینا ضروری ہے۔ پہلا یہ کہ جب آپ ٹورینٹ سے فائل رن کر رہے ہیں تو اس کا مطلب ہے کہ آپ اپنے کمپیوٹر کی کارکردگی پر منفی اثرات مرتب کر رہے ہیں، جس سے آپ کے کمپیوٹر کی بینڈ وتھ کم ہونے سے ’’بیک اپ یور سسٹم‘‘ جیسی دوسری ایپلی کیشنز متا ثر ہوتی ہیں۔ اگر آپ کسی کے ساتھ انٹرنیٹ کنیکشن شئیر کررہے ہیں تو صورت حال مزید بدتر ہوسکتی ہے۔ اور بہت سی ان دیکھی چیزیں آپ کے کمپیوٹر سے چوری ہوجاتی ہیں۔ یہی وجہ ہے کہ بہت سی کمپنیو ں نے ’’نو فائل شیئرنگ ‘‘ پالیسی اپنالی ہے اور فائل شئیر کرنے کی صورت میں صرف ڈانٹ ڈپٹ ہی نہیں کی جاتی بل کہ نوکری سے بھی فارغ کردیا جاتا ہے۔
اگر آپ غیرقانونی طور پر فائل شئیرنگ کر رہے ہیں تو آپ کا حال بھی بوسٹن یونیورسٹی کے سابق طالب علم جوئیل کی طرح ہو سکتا ہے جسے امریکی عدالت نے غیرقانونی طور پر تیس گانے ڈائون لوڈ کرنے اور شئیر کرنے کے الزام میں چھے لاکھ پچھتر ہزار ڈالر جرمانہ ادا کرنے کی سزا سنائی تھی۔ اور یہ نہ بھی ہو تو مال ویئر کی وجہ سے ہونے والے نقصان کا آپ اندازہ نہیں لگا سکتے۔ اگر آپ فائل شئیرنگ کے گہرے سمندر میں غوطہ لگانے جا ہی رہے ہیں تو آپ کو اینٹی وائرس کی لائف جیکٹس لازمی پہننا ہوں گی۔

What Are Terms And Coditions Of Any Site

کسی بھی ویب سائٹ اور کسی سروس کے استعمال میں پرائیویسی پالیسی اور ٹرمز اینڈ کنڈیشن دو لازمی جزو ہوتے ہے۔

پرائیویسی پالیسی اور ٹرمز اینڈ کنڈیشن کیا ہوتے ہیں کیسے کام کرتے ہیں ان کا اطلاق کیسے ہوتا ہے اس پوسٹ میں اسی پر بات کی جائے گی۔

پرائیویسی پالیسی

پرائیویسی پالیسی آسان لفظوں میں استعمال کنندہ کی راز داری کو کہتے ہیں، جو بھی استعمال کنندہ کی معلومات بذریعہ ویب سائٹ جمع کی جاتی ہے اس میں کیا کیا شامل ہوتا ہے اور اس کا استعمال کیسے کیا جاتا ہے

ایک عام پرائیویسی پالیسی میں استعمال کنندہ کی مندرجہ ذیل معلومات جمع ہوتی ہیں

۱۔استعمال کندہ کا آئی پی ایڈریس یعنی جس انٹرنیٹ کنیکشن سے استعمال کنندہ ویب سائٹ دیکھ رہا ہے اس انٹرنیٹ کنیکشن کا پتہ جو عام طور پر حسابی اعداد پر مشتمل ہوتا ہے اس کے ذریعہ استعمال کنندہ کا ملک، شہر، انٹرنیٹ کمپنی کا نام وغیرہ پتا لگایا جاسکتا ہے کے استعمال کندہ کس شہر،ملک سے ویب سائٹ دیکھ رہا ہے وغیرہ

۲۔استعمال کنندہ نے ویب سائٹ پر کہاں کہاں کلک کیا کس صفحہ پر کتنا وقت بتایا، کیا کیا دیکھا وغیرہ

۳۔استعمال کنندہ کے او ایس جسے ونڈوز کا نام، کمپیوٹر کی سکرین کا سائز، رنگ، براوزر کا نام اور ماڈل اور کمپیوٹر یوزر کا نام۔

۴۔ہر ویب سائٹ استعمال کنندہ کے کمیپوٹر میں کوکیز محفوظ کرتی ہے اور کوکیز کی مختلف اقسام اور کام کرنے کے طریقے ہوتے ہیں کچھ استعمال کنندہ کا لاگ ان محفوظ کرتی ہے کچھ استعمال کنندہ کے انٹرنیٹ استعمال کرنے پر نظر رکھتی ہے کہ استعمال کنندہ کون کون سی ویب سائٹس دیکھتا ہے اس طرح کی کوکیز عام طور پر گوگل اور اشتہاری کمپنیاں استعمال کرتی ہیں جس کے سبب استعمال کنندہ کو اس کی دلچسپی پر مبنی اشتہار دیکھانے کی کوشش کی جاتی ہے عام طور پر ایسی معلومات فروخت یا کسی کمپنی کے ساتھ بانٹنا غیر قانونی ہوتا ہے پر استعمال کنندہ کو پرائیویسی پالیسی پڑھنے کی دعوت دی جاتی ہے اگر اس کو یہ معلومات دینا پسند نہیں تو وہ ویب سائٹ کا استعمال ترک کردے

۵۔ہر ویب سائٹ کمیپوٹر کی اندرونی جگہ میں کیشے ڈاون لوڈ کرتی ہے جیسے اگر ایک صفحہ پر تصاویر ہیں یا ویب سائٹ میں تصاویر کا استعمال کیا گیا ہے تو ہر تصویر چھوٹی حجم میں اس اندرونی فولڈر میں جمع ہوگی اور عام تور پر ویب سائٹس میں جاوا سکریپٹ اور سی ایس ایس وغیرہ، پی ایچ پی کی فائلیں بھی جمع ہوتی ہے جس کے سبب جب دوسری بار ویب سائٹ پر جایا جاتا ہے تو وہ پہلے کی نسبت کم وقت میں کھلتی ہے

ہر ویب سائٹ میں پرائیویسی پالیسی موجود ہوتی ہے اس لیے استعمال کنندہ متفق ہوتا ہے وہ اعتراض نہیں کرسکتا کہ اس کی معلومات اس کی اجازت کے بنا جمع اور محفوظ کی گئی ہیں، پر قانونی طور پر ویب سائٹ چلانے والوں کو پابند بنایا جاتا ہے کہ استعمال کنندہ کی معلومات کو کسی کے ساتھ بانٹا نہیں جاسکتا کوئی معلومات نہیں دی جاسکتی۔ صرف اور صرف ویب سائٹ کو بہتر بنانے کے لئے اس کا استعمال کیا جائے اور کسی اور کو استعمال کنندہ کی ذاتی معلومات نہ دی جائیں اور ان معلومات کو محفوظ رکھنا ویب سائٹ چلانے والوں کی ذمہ داری ہوتی ہے۔ گوگل جیسی مشہور کمپنی پر پرائیویسی پالیسی کے قوانین اور استعمال کنندہ کے حقوق کی خلاف ورزی کے الزام لگتے رہتے ہیں۔

ٹرمز اینڈ کنڈیشن

ٹرمز اینڈ کنڈیشن دراصل کسی سروس اور سہولت کے استعمال کی شرائط ہوتی ہیں سروس کے استعمال کے لئے استعمال کنندہ کا ان سے متفق ہونا لازم ہے اگر متفق نہیں تو اس صورت میں استعمال نہ کرے، پر متفق ہونے کی صورت میں، بعد میں کمپنی یا سروس مہیا کرنے والے پر کسی دعوی یا ہرجانے کا اہل نہیں ہوگا اور اس کا کوئی اعتراض قانونی طور پر قابل قبول نہ ہوگا۔ خیال رہے کسی ویب سائٹ کا ٹرمز اینڈ کنڈیشن نہیں ہوسکتا صرف کسی سروس یا سہولت کا ہی ٹرمز اینڈ کنڈیشن ہوسکتا ہے۔ عام الفاظ میں ٹریمز اینڈ کنڈیشن کا محور یہ ہوتا ہے اس کے استعمال سے فلاں فلاں چیز ہو سکتی ہے، فلاں ہماری شرط استعمال کنندہ کو ماننی ہوگی اور اس وجہ سے کوئی نقصان یا اگر سروس مہیا کرنے والا استعمال کنندہ کا مواد یا کوئی معلومات استعمال یا فروخت کردیتا ہے تو استعمال کنندہ کو کسی قانونی کاروائی کا حق حاصل نہ ہوگا۔

ہر سروس اور سہولت مہیا کرنے والا اپنی مرضی سے ان شرائط کا اطلاق کرتا ہے اور اسے کسی بھی وقت تبدیل کرنے کا حق رکھتا ہے پر اس سے پہلے اس کو واضح طور پر ان ٹرمز اینڈ کنڈیشن کا اعلان کرنا ہوتا ہے اگر استعمال کنندہ پھر بھی متفق رہتا ہو تو سروس کا استعمال جاری رکھے

گوگل کی ٹرمز اینڈ کنڈیشن کیا ہیں؟

گوگل نے حال ہی میں اپنی ٹرمز اینڈ کنڈیشن کو دوبارہ مرتب کیا ہے جس کا اطلاق گوگل کی تمام سروسز پر ہے جس میں جی میل، گوگل ٹاک، بلاگر، پیکاسا، گوگل پلس، سرچ اور تمام دوسری سروسز شامل ہیں۔ نئے ٹرمز اینڈ کنڈیشن کے مطابق استعمال کنندہ جو بھی اس سروس پر اپلوڈ کرتا ہے۔ چاہے وہ کوئی تصویر ہو کوئی مضمون، کومنٹ کچھ بھی تو استعمال کنندہ گوگل کو تمام مواد استعمال کرنے کا لائسنس دیتا ہے اگر کوگل چاہے استعمال کنندہ کی تصاویر اشتہاری کمپنیوں کو دے سکتا ہے اور وہ اشتہار میں استعمال کر سکتے ہیں کسی بھی ویڈیو اور مضمون وغیرہ کو اجازت کے بغیر استعمال میں لا سکتا ہے اور استعمال کنندہ کو اس پر اعتراض کا حق نہ ہو گا۔ تمام مواد کو استعمال کرنے کا حق استعمال کنندہ نے اس وقت گوگل کو دے دیا جب اس کی سروس استعمال کی، استعمال کنندہ کے گوگل پلس کا کومنٹ وغیرہ جیسے کسی بوتل کی تصویر پرکوینٹ کیا تو گوگل استعمال کنندہ کے دوستوں کو اشتہار کے طور پر وہ کومنٹ دیکھائے گا کہ فلاں دوست اسے پسند کرتا ہے۔ بلاگر پر جو بھی مواد ہوگا اس کے حقوق کا استعمال گوگل کو بھی ہوگا جی میل میں استعمال کنندہ کی ای میل سے الفاظ کے ذریعہ موضوع کا اندازہ لگا کر میل باکس میں اس کے متعلق اشتہار ظاہر ہوتے ہیں جیسے اگر ای میل میں پیزہ کے متعلق گفتگو ہے تو میل باکس میں پیزہ کمپنیوں کے اشتہار ظاہر ہو گے۔ ٹرمز اینڈ کنڈیشن میں عام طور پر محتاط زبان استعمال کی جاتی ہے جس کو عام صارف نہ سمجھ سکے جیسے یہ کہا جائے گا استعمال کنندہ جو بھی اپلوڈ کریں اس کے استعمال کا لائسنس اس نے دے دیا۔ لیکن یہ نہیں بتایا جاتا اس اپلوڈ میں ایک کومنٹ بھی شامل ہے۔ کیونکہ اس کو بھی لکھ کر اپلوڈ کردیا ہر چیز جو استعمال کنندہ کی طرف سے گئی اس کا شمار بھی اپلوڈ میں ہوگا

ٹرمز اینڈ کنڈیشن عام طور پر اس طرح تیار کئے جاتے ہیں کہ اس میں کمپنی اپنے بچاؤ کا ہر راستہ رکھے اور اس قدر طویل اور بانٹ بانٹ کر مختلف جگہوں پر رکھے جاتے ہے ایک عام استعمال کنندہ پڑھنے سے عاجز آ جاتا ہے اس وجہ سے عام طور پر ٹرمز اینڈ کنڈیشن کو نظر انداز کردیا جاتا ہے۔

گوگل کے نئے ٹرمز اینڈ کنڈیشنز

ٹرمز اینڈ کنڈیشنز اردو میں